Avropalı liderlərlə danışmaq imkanımızın olduğu çox mühüm formatdır. Dünənki şam yeməyində də bir sıra liderlərlə danışmaq imkanımız oldu – bu barədə Gürcüstanın Baş naziri İrakli Kobaxidze Avropa Siyasi Birliyinin Sammiti başlamazdan əvvəl deyib.

Baş nazir Gürcüstan nümayəndə heyətinin avropalı liderlərlə öz milli maraqları haqqında danışdığını bildirib.

Bununla yanaşı, İrakli Kobaxidzenin bəyanatına əsasən, sammit çərçivəsində keçiriləcək panel müzakirəsində iqtisadi maraqlar, o cümlədən tranzit potensialı haqda söhbət aparılacaq.

“Hər yerdə milli maraqlarımızdan, xarici siyasətimizin əsas prioritetlərindən biri olan Avropaya inteqrasiya istiqamətində necə irəliləyəcəyimizə dair baxışlarımız haqqında danışırıq. Dünən liderlərlə fikir, ideyaların mübadiləsini apardıq və avropalı tərəfdaşlarla milli maraqlarımızdan maksimal şəkildə danışmaq üçün bu formatdan bu gün də istifadə edəcəyik. Panel müzakirəsinə gəlincə, mövzu iqtisadiyyat və Avropanın iqtisadi maraqlarıdır, o cümlədən əlaqəlilik və minerallar baxımından. Bilirsiniz, Gürcüstan bu baxımdan, o cümlədən tranzit baxımından çox ciddi potensiala malikdir. Avropalı tərəfdaşlarla bu haqda söhbət aparacağıq” – Kobaxidze bildirib.