Hər bir ölkənin konstitusiyasının birinci maddəsi adətən həmin ölkənin əsas çağırışını əks etdirir. Xarakterikdir ki, bizim Konstitusiyamızın birinci maddəsi dövlət suverenliyinə həsr olunub, – bunu Gürcüstanın Baş naziri İrakli Kobaxidze Konstitusiya Gününə həsr olunmuş tədbirdə çıxışı zamanı bildirib.

Onun sözlərinə görə, 70 il ərzində – 1995-ci il Konstitusiyasının qəbulunadək və daha sonra bu günkü redaksiyasının formalaşmasınadək Gürcüstanın əsas çağırışı məhz suverenliyin pozulması olub və tamamilə məntiqlidir ki, birinci maddə dövlət suverenliyi ideyasına və prinsipinə həsr edilib. Baş nazirin sözlərinə görə, bu, bu gün də əsas çağırış olaraq qalır.

“Hər bir ölkənin Konstitusiyasının birinci maddəsi, qayda olaraq, həmin ölkənin əsas çağırışını əks etdirir. Məsələn, Almaniya Konstitusiyasının birinci maddəsi insan ləyaqətinin əsas hüququna həsr olunub, bu isə xüsusi tarixi təcrübədən irəli gəlir. Faşist Almaniyasında əsas çağırış insan ləyaqətinin tamamilə pozulması idi və məhz bu təcrübəni nəzərə alaraq, Alman qanunvericisi 1949-cu ildə birinci maddə kimi insan ləyaqətinin əsas hüququnu müəyyənləşdirdi. Bu baxımdan xarakterikdir ki, bizim Konstitusiyamızın birinci maddəsi dövlət suverenliyinə həsr olunub.

Birinci maddə bu sözlərlə başlayır – dövlət suverenliyi. Təbii ki, bütün bunlar bizim tarixi təcrübəmizə əsaslanır. 70 il ərzində, 1995-ci il Konstitusiyasının qəbulunadək və daha sonra onun bu günkü redaksiyasınadək, bizim əsas çağırışımız, təbii ki, Gürcüstanın suverenliyinin pozulması olub və tamamilə məntiqlidir ki, birinci maddə dövlət suverenliyi ideyasına və prinsipinə həsr olunub. Bu çağırış bu gün də əsas çağırış olaraq qalır və mən məmnunam ki, Gürcüstan Konstitusiyası Gürcüstan dövlət suverenliyinin əsas təminatçısı olaraq qalır. Biz Konstitusiyamıza qayğı göstərməliyik, dövlət suverenliyimizi qorumalıyıq və əminəm ki, hələ çox illər – və ümidvaram əsrlər boyu – Konstitusiyamız Gürcüstan dövlət suverenliyinin keşiyində möhkəm dayanacaq. Konstitusiyamızın yubileyini təbrik edirəm”, – deyə Baş nazir bildirib.