Gürcüstan dövləti torpaq sahələrinin ortaq sahibi olaraq qalır, torpağın özgəninkiləşdirilməsinə gəlincə, tərəfdaş şirkətin torpağı özgəninkiləşdirmək üçün heç bir imkanı yoxdur – bu haqda Gürcüstanın Baş naziri İrakli Kobaxidze parlamentdə interpelyasiya qaydası ilə dinlənilərkən deyib.

Onun sözlərinə əsasən, bu torpaqlar ola bilsin, yalnız bir məqsəd üçün istifadə olunsun və bu, birbaşa konkret inkişaf layihəsinin həyata keçirilməsidir.

“Dövlət və “Eagle Hills” arasında bağlanmış müqavilə ilə buna da zəmanət verilib. Hər iki torpaq sahəsi qeyri-kənd təsərrüfatı təyinatlı torpaqdır və tikintinin başa çatmasından sonra muxtar dəyərə artıq malik olmayacaq və bu torpaq müvafiq bina-tikililərlə birləşdiriləcək yəni ayrıca torpaq muxtar dəyərə artıq malik olmayacaq, çünki bu, qeyri-kənd təsərrüfatı təyinatlı torpaqdır. Bu layihənin opponentlərinin mesajlarından biri gürcü torpağının əcnəbilərə satılmasıdır. Çox sadə şəkildə deyilə bilər ki, heç bir gürcü torpağı əcnəbilərə satılmır. Burada cəmiyyətlə paylaşa biləcəyimiz mesaj çox sadədir” – baş nazir bildirib.

Baş nazir qeyd olunan müqavilədən ictimaiyyətə məlum olmayan heç bir əsas bənd olmadığını bildirib.

“Sizdən, parlamentarilərdən, xahiş etmək istərdim, bu müqaviləyə daxil edilə biləcək və haqqında məlumat almaq istədiyiniz nəsə bəndi nəzəri olaraq təsəvvür edin. Belə nəzəri məsələlərdən biri partiyalardan birinin nümayəndəsi tərəfindən qaldırılıb, o, bu müqavilə ilə məscidlərin tikintisinin nəzərdə tutulduğuna dair şübhəsini ifadə edib. Hətta belə nəzəri suallar verə bilərsiniz, müqavilədə nəsə belə bir şey varmı və məscidlər halında izah edə biləcəyimiz kimi, əlbətdə, bu müqavilə ilə heç bir məscidin tikintisi nəzərdə tutulmayıb, mən sizə cavab verəcəyəm. Üstəlik, ümumiyyətlə, müqaviləyə heç bir qeyri-kommersiya məzmunlu bəndin daxil edilmədiyini demək olar. Eyni şeyi məscidlərlə, və ya xarici alıcılar üçün güzəştlərlə bağlı götürək. Bu müqavilə heç bir güzəşti nəzərdə tutmur, o cümlədən yaşayış icazəsinin verilməsi baxımından. Üstəlik, Gürcüstan vətəndaşlarının ziyanına heç bir ayrı-seçkilik bəndləri daxil edilməyib. Məsələn, burada kimin işə götürülə biləcəyi, alıcı və s. yazılmayıb. Bütün bunlar, digər investisiyalar halında olduğu kimi, müvafiq bazar münasibətləri ilə tənzimlənəcək. Bu müqavilədə nəzərdə tutulan bütün vacib məsələlər ictimaiyyətə məlumdur və yüksək ictimai maraqdan irəli gələrək, şəxsən mən də bu məlumatı ictimaiyyətlə bölüşdüm” – hökumət başçısı bildirib.