Gürcüstan dənizə çıxışı olmayan yeddi ölkəni Qara dənizlə və müvafiq olaraq, Avropa ilə, Qərblə birləşdirən ölkədir, bunlar bizim qonşu ölkələrimiz olan Ermənistan və Azərbaycan, Orta Asiya ölkələridir. Bu, əlaqəlilik baxımından rolumuzu artırır və bu imkandan istifadə etmək üçün maksimal şəkildə çalışırıq – bu haqda Gürcüstanın Baş naziri İrakli Kobaxidze Avropa Siyasi Birliyinin səkkizinci zirvə toplantısında iştirak etdiyi Yerevanda jurnalistlərə deyib.

İrakli Kobaxidze dəyirmi masa formatında müzakirə zamanı müzakirə olunan əsas mövzulara diqqət yönəldib.

“Cənubi Qafqazın və konkret olaraq, Gürcüstanın əlaqəlilik baxımından perspektivindən bəhs etdim. Görürsünüz ki, regionumuz olduqca maraqlı vəziyyətdədir. Şimala doğru genişmiqyaslı hərbi münaqişə gedir, Rusiya ilə Ukrayna arasındakı müharibədən bəhs edirəm və Yaxın Şərqdə hərbi qarşıdurma, böhran, münaqişə var. Regionumuz və konkret olaraq, o cümlədən Gürcüstan da bu iki hərbi münaqişə arasında qalıb. Bu vəziyyətdə bir tərəfdən ciddi çağırışlar var, lakin digər tərəfdən regionumuzun və konkret olaraq, ölkəmizin xüsusi imkanları var.

Həmçinin diqqəti Gürcüstanın dənizə çıxışı olmayan yeddi ölkəni Qara dənizlə və müvafiq olaraq, Avropa ilə, Qərblə birləşdirən ölkə olduğuna yönəltdim, bunlar bizim qonşu ölkələrimiz olan Ermənistan və Azərbaycan, Orta Asiya ölkələridir. Əlbətdə, bu əlaqəlilik baxımından rolumuzu artırır və bu imkandan istifadə etmək üçün maksimal şəkildə çalışırıq. Orta Dəhliz çərçivəsində rolumuzu maksimal şəkildə artırmaq istəyirik.

Həmçinin infrastruktur sahəsində həyata keçirilən investisiyalar haqqında danışdım. Həmkarlarımızla əlaqəlilik ilə bağlı bütün detallar barədə məlumat və düşüncələrimi bölüşdüm.

Həmçinin mövzulardan biri yaşıl enerji, enerji əlaqəliliyi idi. Bu məsələdə də həmkarlara planlarımızı təqdim etdim. Məqsədimiz elektrik enerjisinin istehsalını 4 800 meqavatdan 11 500 meqavata qədər artırmaqdır. Bu halda ölkəmiz elektrik enerjisi baxımından tam özünü təmin edən olacaq və elektrik enerjisini ixrac etmək imkanımız olacaq. Bu baxımdan Qara dəniz sualtı kabel layihəsini də vurğuladım. Bütün bu mövzularla bağlı həmkarlarla söhbətimiz oldu” – baş nazir bildirib.