8-ci Çin Beynəlxalq İdxal Sərgisi əsası qoyulduğu gündən ticarətin gücləndirilməsi, tərəfdaşlığın dəstəklənməsi və innovativ qərarların populyarlaşdırılması üçün mühüm platformaya çevrilib – bu haqda Gürcüstanın Baş naziri İrakli Kobaxidze Çin Beynəlxalq İdxal Sərgisinin açılış mərasimində çıxışı əsnasında deyib.

Hökumət başçısının qeyd etdiyi kimi, sərgi daha açıq və dayanıqlı qlobal iqtisadiyyatın formalaşmasına kömək edir.

“Sərgi beynəlxalq əməkdaşlığın dəstəklənməsi və yeni imkanlar yaratmaq yolu ilə ümumi inkişafa yönəlik Çinin sədaqətinin nümayişini davam etdirir. Çin və Gürcüstanı qarşılıqlı hörmət və etimada əsaslanan uzunmüddətli əməkdaşlıq bir-birinə bağlayır. Strateji tərəfdaşlığın qurulması münasibətlərimizdə yeni fəsil açdı. Sülh, stabillik və rifahın ümumi məqsədlərini birlikdə irəlilətmişik, xüsusilə “Bir Kəmər, Bir Yol” çərçivəsində. Gürcüstan Avropa-Asiyanın strateji birləşdirici rolunu getdikcə daha çox qazanır. Əməkdaşlığımız ticarət, infrastruktur və investisiyalar sahəsində yenə də əyani nəticələr verir, yeni imkanlar yaradır və iqtisadi dayanıqlığımızı gücləndirir” – İrakli Kobaxidze bildirib.