Hər birinizə zəhmətinizə, vətənpərvərliyinizə və unudulmaz dəqiqələrə, qələbələrinizin hər birimizə bəxş etdiyi hər bir duyğuya görə təşəkkür etmək istəyirəm – bu haqda Gürcüstanın Baş naziri İrakli Kobaxidze 2025-ci ilin ən yaxşı idmançısının mükafatlandırma mərasimində çıxışı zamanı idmançılara müraciətində deyib.

O, hər bir idmançının beynəlxalq arenada Gürcüstanın ən yaxşı səfiri olduğunu bildirib.

“Tarixi nəticələrin fonunda hər hansı idmançını ayırmaq və ən yaxşısını aşkarlamaq çox çətin vəzifədir, lakin bu gün məhz buna həsr olunub və gələcək qalibləri və namizədləri əvvəlcədən təbrik etmək istəyirəm. Hər bir uğurlu idmançı özlüyündə qalibdir və gənclərimiz üçün layiqli nümunədir. Onların hər biri bizim xüsusi qürurumuzdur və onların hər biri dünya səhnəsində Gürcüstan üçün ən yaxşı səfirdir. Bir şeyi qeyd etmək istərdim ki, gürcü idmançılara olan sevgimiz seçilən, xüsusi və qeydsiz-şərtsiz olmalıdır, bunu mütləq hamı başa düşməlidir. Hamını qarşıdan gələn Yeni il münasibətilə təbrik etmək istərdim. Fəxrimiz olan idmançılarımızı, məşqçilərimizi, həkimlərimizi, texniki heyətimizi, gürcü idmanının uğurunda iştirak edən hər kəsi qarşıdan gələn Milad-Yeni il münasibətilə təbrik etmək istərdim və hər birinizə zəhmətinizə, vətənpərvərliyinizə və unudulmaz dəqiqələrə, qələbələrinizin hər birimizə bəxş etdiyi hər bir duyğuya görə təşəkkür etmək istəyirəm. Qarşıdan gələn Milad-Yeni il münasibətilə sizi təbrik edirəm və gələcəkdə sizə çox böyük uğurlar arzulayıram” – baş nazir bildirib.