Finlandiyanın xarici işlər nazirinə Gürcüstanda inqilabi prosesi təşviq etmək tapşırığı verilib, bu isə lap əvvəldən uğursuzluğa məhkumdur, lakin belə tapşırıq alıb – bu barədə Gürcüstanın Baş naziri İrakli Kobaxidze Birinci Kanala müsahibəsində deyib.

Hökumət başçısının qiymətləndirməsinə görə, ən faciəlisi odur ki, avropalı bürokratiya Baia Pataraia səviyyəsinə qədər enib.

“Baia Pataraia kimi, bu xanım da tapşırıqlar alır. Heç bir fərq yoxdur. Avropalı bürokratiyanın Baia Pataraia səviyyəsinə qədər enməsi Avropa İttifaqı məkanında ən faciəvi haldır. Ən faciəlisi budur. Onlara hansı tapşırıq verilirsə, onu da yerinə yetirirlər. Bu insan artıq özünü rüsvay etməyibmi? Qanunazidd aksiyada 50 nəfərə qoşuldu. Axı yalan demək məcburiyyətində qaldı, insanlar indi toplaşır, Finlandiyanın bayraqları dalğalanır deyir. Möcüzələr danışdı. Baia Pataraia səviyyəsindən də aşağıdır. Salome Zurabişvili səviyyəsindən də aşağıdır. Avropalı bürokratiyanın bizə göstərdiyi real sima budur. Axı bunun başqa izahı yoxdur. Onlar hər şeyi çox yaxşı bilirlər, lakin nəsə tapşırıq alırlar və bu tapşırığı yerinə yetirməlidirlər” – İrakli Kobaxidze bildirib.