Biz düşünürük ki, seçki nəticəsi əvvəlki parlament seçkilərində qeydə alınan nəticə ilə üst-üstə düşəcək, – bunu Baş nazir İrakli Kobaxidze bildirib.

Onun sözlərinə görə, bir milyondan çox seçici sənə dəstək verəndə, hər şey aydındır.

“Seçki protokolları saat 20:00-da çap ediləcək və yekun seçki nəticələri qeydə alınacaq, o cümlədən ‘Gürcü Arzusu’nun seçki nəticəsi. Biz düşünürük ki, təqribən bizim nəticələr əvvəlki parlament seçkilərində qeydə alınan nəticələrlə üst-üstə düşəcək, baxmayaraq ki, aktivlik bələdiyyə seçkilərinin spesifikasından irəli gələrək nisbətən aşağıdır. Bir milyondan çox seçici sənə dəstək verəndə, hər şey aydındır. Tbilisidə bu gün qeydə alınacaq rəqəmə gəlincə, bu göstərici təxminən yüz dəfə az olacaq. Müvafiq olaraq, cəmiyyət bununla bağlı öz nəticəsini, təbii ki, çıxaracaq,” – deyə İrakli Kobaxidze bildirib.