İrakli Kobaxidze: Düşen əzələ distrofiyasının müalicəsində istifadə olunan daha bir preparatın – “Vamorolon”un alınması ilə bağlı danışıqlar müsbət nəticələnib və dərman pasiyentlər üçün tamamilə pulsuz olacaq

Düşen əzələ distrofiyası diaqnozu olan pasiyentlər üçün dövlət proqramına “Vamorolon” preparatının əlavə edilməsi ilə “Düşen” sindromunun müalicəsində istifadə olunan daha bir müasir dərman, “Givinostat”la birlikdə əlçatan olacaq. Bu barədə Gürcüstanın Baş naziri İrakli Kobaxidze bildirib.

Onun sözlərinə görə, hər iki preparat pasiyentlər üçün pulsuz olacaq.

“Düşen əzələ distrofiyasının müalicəsində istifadə olunan daha bir preparatın – “Vamorolon”un alınması ilə bağlı danışıqlar müsbət nəticələnib. Hazırda yalnız texniki prosedurlar qalıb. Müqavilənin imzalanmış nüsxələri mübadilə ediləcək və bundan sonra dövlət preparatı satın alacaq.

“Vamorolon”un dövlət proqramına əlavə edilməsi ilə “Givinostat”la birlikdə daha bir müasir preparat pasiyentlər üçün əlçatan olacaq və bu dərman tamamilə pulsuz veriləcək.

“Givinostat”a gəlincə, bu dərman artıq Gürcüstandadır və yaxın günlərdə pasiyentlərə verilməsinə başlanılacaq”, – deyə Kobaxidze bildirib.