Avropa İttifaqının fondlarından maliyyələşən “QHT-lərin” 2000 nəfərlik aksiya təşkil etməsi, hakimiyyətin devrilməsini və s. tələb etməsi faktı çox məyusedici reallıq yaradır. Bu cür faktlar və hərəkətlər təkcə Avropa bürokratiyasının deyil, bütövlükdə Avropa İttifaqının ölkəmizdəki imicinə çox ağır təsir edəcək – bu barədə Gürcüstanın Baş naziri İrakli Kobaxidze jurnalistlərə deyib.

İrakli Kobaxidze bildirib ki, hamı görür ki, “Dərin dövlət” Gürcüstanda inqilabi proseslərin təşviqi üçün Avropa İttifaqının maliyyələşməsindən istifadə edir.

“Bu proseslərin heç bir perspektivinin olmaması yaxşıdır, lakin Avropa İttifaqının fondlarından maliyyələşən “QHT-lərin” 2000 nəfərlik aksiya təşkil etməsi, hakimiyyətin devrilməsini və s. tələb etməsi faktı özlüyündə çox məyusedici reallıq yaradır. Bu cür faktlar və hərəkətlər təkcə Avropa bürokratiyasının deyil, bütövlükdə Avropa İttifaqının ölkəmizdəki imicinə çox ağır təsir edəcək. Buna görə də, Avropa İttifaqına olan etimadın belə, kəskin şəkildə 80%-dən demək olar ki, 50%-ə qədər azalmasına heç kəs təəccüblənmir. Çünki “Dərin dövlət” tərəfindən idarə olunan Avropa bürokratiyası gürcü cəmiyyətinin gözündə Avropa strukturlarına olan etimadı tamamilə məhv edir” – baş nazir bildirib.