USAID, NED və digər müvafiq fondlar bağlandı, bu, Amerika administrasiyasının qərarı idi, lakin bu fonda görürük ki, konkret olaraq Avropadakı siyasi proseslərə həddindən artıq təsiri olan qeyri-rəsmi qüvvələr eyni məqsədlərə nail olmaq üçün Avropa fondlarından istifadə etməyi planlaşdırırlar – bu haqda Gürcüstanın Baş naziri İrakli Kobaxidze jurnalistin Avropa Komissiyası tərəfindən “QHT-lər” və media üçün nəzərdə tutulan maliyyələşdirmənin təxminən 600% artırılması planı ilə bağlı sualına cavab olaraq deyib.

Hökumət başçısı bildirib ki, Gürcüstanın daxili işlərə süni müdaxiləyə ehtiyacı yoxdur və gürcü dövlətinin taleyi gürcü xalqı tərəfindən həll edilməlidir, Gürcüstanda.

“Ölkəmizi maksimal şəkildə bundan qorumalıyıq, daxili işlərimizə heç bir süni müdaxiləyə ehtiyacımız yoxdur, gürcü dövlətinin taleyi gürcü xalqı tərəfindən həll edilməlidir, Gürcüstanda, bu, bizim çox aydın mövqeyimizdir. Məhz bu, “Şəffaflıq haqqında” Qanunda, “Qrantlar haqqında” Qanunda, Gürcüstan qanunvericiliyində əks olunub və təbii ki, biz bu prinsipi sona qədər qoruyacağıq. Gürcü dövlətinin taleyi Gürcüstanda həll edilməlidir, gürcü xalqı tərəfindən” – baş nazir bildirib.