İrakli Kobaxidze – Bizim üçün dayanıqlı inkişaf hər bir vətəndaşa sağlam, təhlükəsiz və ləyaqətli həyat təklif edən bir ölkə qurmaq deməkdir

19:56, 18.09.2026

 

Bizim üçün dayanıqlı inkişaf hər bir vətəndaşa sağlam, təhlükəsiz və ləyaqətli həyat təklif edən, iqtisadi artımı hər kəs üçün imkana çevirən, təbii resursları qoruyan və dövlət institutlarının səmərəli, şəffaf şəkildə fəaliyyət göstərdiyi bir ölkə qurmaq deməkdir – bu barədə Gürcüstanın Baş naziri İrakli Kobaxidze BMT Baş Assambleyasının sessiyası çərçivəsində keçirilən “Dayanıqlı İnkişaf Məqsədləri Məqamı 2026” adlı tədbirdə bildirib.

Kobaxidze Gürcüstanın dayanıqlı inkişafa olan ümumi sadiqliyini bir daha təsdiqlədiyini deyib.

“Dayanıqlı İnkişaf Məqsədləri Məqamı 2026″nın hörmətli auditoriyasına müraciət etmək mənim üçün böyük şərəfdir.
2030-cu ilin gündəliyinin həyata keçirilməsini dəstəkləməkdə fasiləsiz liderliyinə və dayanıqlı inkişafa olan ümumi sadiqliyimizi bir daha təsdiqləmək üçün ölkələri bir araya gətirdiyinə görə Birləşmiş Millətlər Təşkilatına təşəkkür etmək istəyirəm.

On ildən çox əvvəl biz dünyamızı yaxşılığa doğru dəyişdirmək, insanlar və planet üçün hiss olunan nəticələr əldə etmək üçün 2030-cu ilə doğru iddialı yola çıxdıq. 2015-ci ildə heç kimin inkişafdan kənarda qalmayacağı bir dünya qurmaq öhdəliyini üzərimizə götürdük. Gürcüstan bu ümumi missiyanın sadiq tərəfdaşıdır və Dayanıqlı İnkişaf Məqsədlərinə çatmaq istiqamətində tərəqqini sürətləndirməyə qətiyyətlə sadiq qalır.

Bizim üçün dayanıqlı inkişaf hər bir vətəndaşa sağlam, təhlükəsiz və ləyaqətli həyat təklif edən, iqtisadi artımı hər kəs üçün imkana çevirən, təbii resursları qoruyan və dövlət institutlarının səmərəli, şəffaf şəkildə fəaliyyət göstərdiyi bir ölkə qurmaq deməkdir. Bu istəyin təməlində ölkənin güclü iqtisadi göstəriciləri dayanır” – baş nazir bildirib.

Oxşar