Biz Ukraynada həyata keçirilən ssenarinin Gürcüstanda həyata keçirilməməsi üçün hər şeyi etdik – bu haqda Gürcüstanın Baş naziri İrakli Kobaxidze jurnalistlərə deyib.

Baş nazir bildirib ki, gürcü cəmiyyəti daha təcrübəlidir və cəmiyyətin dəstəyi ilə hakimiyyət Gürcüstan üçün mühüm təhdidləri aradan qaldıra bildi.

“Bu, mühüm mesaj, mühüm xəbərdarlıqdır. Bütün bu üç il ərzində, xüsusən də son üç il ərzində etdiyimiz məhz budur. Biz Ukraynada həyata keçirilən ssenarinin Gürcüstanda həyata keçirilməməsi üçün hər şeyi etdik. Hər şey 2013-cü ildə Maydanla başladı, Maydan bitdikdən bir neçə gün sonra birinci müharibə bunu müşaiyət etdi, daha sonra ikinci müharibə ilə müşaiyət olundu və bu gün bizə dost ölkə, Ukrayna məhv edilib, ölkə əhalisinin təxminən dörddə biri ölkədən çıxıb və ya ölkə daxilində məcburi köçkünə çevrilib. Yüz minlərlə ukraynalı həlak olub. Bütün bunları Ukraynaya məhz cəmiyyətin vaxtında lazımınca ehtiyatlı davrana bilməməsi gətirib. Gürcüstan cəmiyyəti daha təcrübəlidir və müvafiq olaraq, məhz gürcü cəmiyyətinin dəstəyi ilə biz Gürcüstan üçün mühüm təhdidləri və ilk növbədə ölkəmiz üçün müharibəni aradan qaldıra bildik” – İrakli Kobaxidze bildirib.