Bu gün Gürcüstanın Milli Statistika Xidməti 2025-ci il üzrə yoxsulluq göstəricisini açıqlayıb və bu göstərici 7.1 faizə qədər azalıb. Bu isə o deməkdir ki, 7.5 faizlik iqtisadi artım fonunda 90 min vətəndaş yoxsulluqdan çıxıb, – bu barədə Gürcüstanın Baş naziri İrakli Kobaxidze bugünkü mətbuat konfransında bildirib.

Hökumət başçısının sözlərinə görə, 2020-ci ildən sonra Gürcüstanda yoxsulluq dəqiq üç dəfə — 21.3 faizdən 7.1 faizə qədər azalıb.

“Son beş il ərzində yoxsulluğun orta illik azalması 2.84 faiz bəndi təşkil edib.

Xatırladıram ki, 2012-ci ildə yoxsulluq həddindən aşağı yaşayan vətəndaşların sayı 1,120,000-dən çox idi, 2025-ci ildə isə bu göstərici 280 minin altına düşüb.

Bizim əsas milli məqsədlərimizdən biri Gürcüstanda yoxsulluğun tamamilə aradan qaldırılmasıdır. Hələ də 280 minə yaxın vətəndaş yoxsulluq həddindən aşağı yaşayırsa, təbii ki, diqqəti azaltmağa haqqımız yoxdur”, – deyə baş nazir bildirib.