Gürcüstanın Baş naziri İrakli Kobaxidze diplomatları gürcü Diplomatiyası Günü münasibətilə təbrik edir.

Kobaxidzenin sosial şəbəkədə yazdığı kimi, Gürcüstanın xarici siyasət məqsədlərinə nail olunması və suverenliyin möhkəmləndirilməsi işində hər bir diplomatın rolu xüsusidir.

“Gürcüstanın diplomatik korpusunun hər bir nümayəndəsini gürcü Diplomatiyası Günü münasibətilə təbrik edirəm. Gürcüstanın xarici siyasət məqsədlərinə nail olunması, beynəlxalq arenada ölkəmizin milli maraqlarının qorunması və suverenliyin möhkəmləndirilməsi işində hər bir diplomatın rolu xüsusidir. Bu yolda çəkdiyiniz əməyə və peşəkarlığa görə sizə təşəkkür edirəm. Məsuliyyətli işinizdə sizə uğurlar arzulayıram” – Kobaxidze yazır.