Avropa İttifaqında vəziyyətin dəyişəcəyinə və ədalətin gələcəkdə avropalı bürokratiyanın nümayəndələrinin rəhbər tutacağı prinsip olacağına böyük ümidimiz var, lakin bu gün bu belə deyil və bunun ən yaxşı ifadəsi dərc olunmuş hesabatdır – bu haqda Gürcüstanın Baş naziri İrakli Kobaxidze Şanxayda jurnalistlərə deyib.

Hökumət başçısı Gürcüstanın 2030-cu il üçün Avropa İttifaqına üzv ölkə olmaq istədiyini və o vaxta qədər Avropa İttifaqında vəziyyətin kökündən dəyişəcəyinə ümid etdiyini bildirir.

“Avropalı bürokratiya tərəfindən bu miqyasda ədalətsizliyi və faktların təhrif olunmasını görməyimiz çox təəssüfdoğurucudur. Avropalı bürokratiya Avropa İttifaqını təmsil edir və bu zaman təkcə avropalı bürokratiyanın nüfuzuna deyil, həm də Avropa İttifaqının nüfuzuna da təhlükə yaranır və zərər dəyir. Gürcüstanda həm avropalı bürokratiyaya, həm də ümumilikdə Avropa İttifaqına olan inamın tədricən azalması məhz bu cür hərəkətlərin nəticəsidir. Avropa İttifaqında bu vəziyyətin dəyişəcəyinə və ədalətin gələcəkdə avropalı bürokratiyanın nümayəndələrinin rəhbər tutacağı prinsip olacağına çox böyük ümidimiz var. Lakin bu gün bu belə deyil və bunun ən yaxşı ifadəsi dərc olunmuş hesabatdır.

Eynilə, Rusiyaya tətbiq edilən sanksiyalar və bununla əlaqədar Ukrayna tərəfindən ifadə edilmiş narahatlıqdan danışarkən, Ukraynanın Moldovaya və ya sanksiyalara qoşulmayan digər namizəd ölkələrə qarşı narahat mövqeyini xatırlamırıq. Bütün bunlar ikili standartlar, ədalətsizlik deməkdir, avropalı bürokratiyada ciddi problemlərin olması deməkdir. Bir daha təkrar edirəm ki, bütün bunların sonda dəyişəcəyi ilə bağlı fərqli gözləntimiz var.

Biz 2030-cu il üçün Avropa İttifaqına üzv ölkə olmaq istəyirik və o vaxta qədər Avropa İttifaqında vəziyyətin kökündən dəyişəcəyinə ümid edirəm. Bu gün avropalı bürokratiyanın fəaliyyəti sovet standartları səviyyəsinə düşüb, bu isə çox təəssüfdoğurucu və məyusedicidir” – baş nazir bildirib.