ATƏT/Demokratik Təsisatlar və İnsan Hüquqları Bürosuna hücum hələ seçkilərdən əvvəl başlamışdı, fon hazırladılar və seçkilərdən sonra da davam etdi, çünki hamı bilir ki, ATƏT/Demokratik Təsisatlar və İnsan Hüquqları Bürosu seçkiləri müşahidə edən və qiymətləndirən əsas missiyadır və onlar bu seçkiləri rəqabətli kimi qiymətləndirdilər – bu haqda baş nazir İrakli Kobaxidze Hökumət Administrasiyasında keçirilən mətbuat konfransında deyib.

Baş nazir bildirib ki, ATƏT/Demokratik Təsisatlar və İnsan Hüquqları Bürosunun qiymətləndirməsi müxalifətin o qədər xoşuna gəlməyib ki, müvafiq brifinq birbaşa efirdə yayımlanarkən “Milli Hərəkat”la əlaqəli televiziyalar hətta efiri kəsiblər.

“Əslində hamı bilir ki, ATƏT/Demokratik Təsisatlar və İnsan Hüquqları Bürosu seçkiləri müşahidə edən və qiymətləndirən əsas missiyadır. ATƏT/DTİHB bu seçkiləri rəqabətli kimi qiymətləndirdi, müvafiq rəy, ilkin nəticə ortaya qoyuldu və bildiyiniz kimi, yekun nəticə adətən ilkin nəticədən fərqlənmir. Həm radikal müxalifətin nümayəndələri, həm də onların əcnəbi havadarları tərəfindən ATƏT/DTİHB-ə bu qədər şiddətli hücumların əsas səbəbi məhz budur.

Bu hücum hələ seçki günündən əvvəl başladı. Əvvəlcə Qaxarianı, sonra Qvaramianı çıxardılar, hücum başladı, seçkidən sonrakı hücum üçün fon hazırladılar və bu hücum seçkidən sonra da davam etdi.

Yadımdadır, digər missiyalarla yanaşı, ATƏT/DTİHB-in brifinqi birbaşa efirdə yayımlanarkən “Milli Hərəkat”la əlaqəli televiziyalar efiri belə kəsdilər. ATƏT/DTİHB-in qiymətləndirməsi o qədər xoşlarına gəlmədi ki, hətta efiri də kəsdilər. Nə ilə qarşı-qarşıya olduğumuz aydındır. ATƏT/DTİHB seçkiləri obyektiv qiymətləndirib və seçkilərin legitimliyini tanıyıb. Bunun daha bir təsdiqi təbii ki, xarici işlər nazirinin aldığı məktub oldu və məhz buna görə də onlar bütün bu müddət ərzində ATƏT/DTİHB-ə hücum edirlər” – baş nazir bildirib.