İrakli Kobaxidze – Acarıstanda bu il dörd yeni məktəbin tikintisi başa çatıb, 27 məktəbdə isə tam və ya qismən reabilitasiya işləri aparılıb, ilin sonunadək regionda daha 20 məktəbdə işlər başa çatacaq

Acarıstanda bu il artıq dörd yeni məktəbin tikintisi başa çatıb, 27 məktəbdə isə tam və ya qismən reabilitasiya işləri aparılıb. İlin sonunadək regionda daha 20 məktəbdə işlər başa çatacaq – bunu Gürcüstanın Baş naziri İrakli Kobaxidze Batumi şəhərinin 21 nömrəli dövlət məktəbinin açılış tədbirində bildirib.

Hökumət başçısının sözlərinə görə, Acarıstan regionunda artıq yeddi məktəbin tikintisinə başlanılıb və bu məktəblərin tikintisi gələn il başa çatacaq. 2027-ci ildə isə daha 10 yeni məktəbin tikintisi və 50 məktəbin reabilitasiyası planlaşdırılır.

“Acarıstanda bu il artıq dörd yeni məktəbin tikintisi başa çatıb, 27 məktəbdə isə tam və ya qismən reabilitasiya işləri aparılıb. İlin sonunadək regionda daha 20 məktəbdə işlər başa çatacaq. Burada da dayanmaq niyyətində deyilik. Acarıstan regionunda artıq yeddi məktəbin tikintisinə başlanılıb və gələn il başa çatacaq, 2027-ci ildə isə daha 10 yeni məktəbin tikintisini və 50 məktəbin reabilitasiyasını planlaşdırırıq.

Bizim son məqsədimiz bütün ölkə üzrə bütün uşaqlar üçün belə müasir məkan və mühitin təmin edilməsidir. Bu, bizim planımızdır, məqsədimizdir və bu məqsəd mütləq həyata keçiriləcək.

Bu gün münasibətilə xüsusilə müəllimləri təbrik etmək istəyirəm. Fəaliyyətinizə görə sizə təşəkkür etmək istəyirəm. Ölkəmizin uğuru sizin fəaliyyətiniz və peşəkarlığınız üzərində dayanır. Siz bu işə layiqincə xidmət edirsiniz. Ölkəmiz üçün layiqli nəsil yetişdirirsiniz.

Əməyinizə, peşəkarlığınıza və fədakarlığınıza görə bir daha dərin təşəkkürümü bildirirəm. Məktəbin açılışı münasibətilə bir daha sizi təbrik edir, hər kəsə, xüsusilə də şagirdlərə böyük uğurlar arzulayıram”, – deyə Baş nazir bildirib.