Acarada problemlərin əsas hissəsi əhəmiyyətli dərəcədə həll olunub. Quriyaya gəlincə, daha çox problem qalmaqdadır, o cümlədən yolun təmizlənməsi işləri intensiv şəkildə davam etdirilməlidir – bu haqda baş nazir İrakli Kobaxidze Kobuletidə jurnalistlərə deyib.

Onun sözlərinə görə, o, Quriyaya qayıdır və vəziyyətlə yerində tanış olacaq və bütün məsələləri tam şəkildə necə qaydasına salmaq barədə göstərişlər verəcək.

“Elektrik enerjisinin verilişi bərpa olunmalıdır, əhalinin təxminən 20%-i hazırda işıqsızdır və təbii ki, burada intensiv işlər görülməlidir. Biz indi Quriyaya qayıdacağıq və əlbətdə, mövcud vəziyyətlə maksimal şəkildə maraqlanacağıq. Bütün məsələləri tam şəkildə necə qaydasına salmaq barədə göstərişlərimiz olacaq” – baş nazir bildirib.