Amerikanın yeni administrasiyasının yanaşmasının əvvəlki administrasiyanın nümayiş etdirdiyi yanaşmadan keyfiyyətcə fərqli olması çox yaxşı haldır – bu haqda Gürcüstanın Baş naziri İrakli Kobaxidze jurnalistlərə deyib.

Hökumət başçısının qeyd etdiyi kimi, bütün bunlar nikbinliyə əsas verir.

“2020 və 2024-cü illəri yada salsaq, o zaman əksinə, məhz keçmiş administrasiya dövlət təsisatlarına qarşı sabotajı, boykotu dəstəkləyirdi. İndi görürsünüz ki, bu yanaşma dəyişib və bu, çox vacibdir. Bütün bunlar bizə ümid verir və tərəfdaşlığımıza yenidən baxmağa, strateji tərəfdaşlığı təmiz vərəqdən, konkret yol xəritəsi ilə bərpa edə biləcəyimizə dair nikbinlik üçün əsas yaradır, bununla bağlı da bizim tərəfimizdən dəfələrlə təklif irəli sürülüb” – baş nazir bildirib.

Bununla yanaşı, İrakli Kobaxidzenin qeyd etdiyi kimi, “hər kəs Gürcüstanın milli maraqlarına, gürcü xalqının iradəsinə hörmət etməlidir, bu, əvvəlki ABŞ administrasiyasının nəzərə almadığı ümumi yanaşma olmalıdır”.