9 Aprel, bir tərəfdən ən böyük faciə günüdür, lakin, bununla yanaşı, bu, ölkəyə, gürcü xalqına birlik və müstəqillik gətirən gündür – bu haqda Gürcüstanın Baş naziri İrakli Kobaxidze jurnalistlərə bildirib.

Baş nazir bildirib ki, 9 Aprel bizə bir-birimizə olan münasibətimiz və sevgimizin qayğısına qalmalı olduğumuzu xatırladır.

“Bu gün biz 9 Aprel qəhrəmanlarının xatirəsini ehtiramla yad edirik, onların qəhrəmanlığını ehtiramla yad edirik. 9 Aprel, bir tərəfdən ən böyük faciə günüdür, lakin, bununla yanaşı, bu, ölkəyə, gürcü xalqına birlik və müstəqillik gətirən gündür. 9 Aprel faciəsindən düz iki il sonra, Gürcüstan rəsmi olaraq dövlətin müstəqilliyini bərpa etdiyini elan etdi. Mən cəmiyyətdə münasibətin dəyişdiyi və sevginin nifrətə qalib gəldiyi o günləri, həftələri, ayları və bir neçə ili xatırlayıram. Müvafiq olaraq, bütün bunlar məhz qəhrəmanlarımızın mübarizəsi əsasında əldə etdiyimiz ölkəmizin müstəqilliyinin, azadlığının nə qədər qayğısına qalmalı olduğumuzu xatırladır. Həmçinin, bütün bunlar bizə bir-birimizin, bir-birimizə olan münasibətimiz və sevgimizin qayğısına qalmalı olduğumuzu xatırladır” – baş nazir bildirib.