Oktyabrın 26-da keçiriləcək seçkilərdə mahiyyətcə iki siyasi qurum üz-üzə gələcək, bu, “Gürcü arzusu”, digəri isə bir neçə nüfuzdan düşmüş partiyanı birləşdirən “Milli Hərəkat” kollektividir. – Bu barədə Gürcüstanın baş naziri, “Gürcü arzusu” seçki qərargahının rəhbəri İrakli Kobaxidze brifinqdə məlumat verib.

“Buna uyğun olaraq oktyabrın 26-da keçiriləcək seçkilər bir növ referendum xarakteri daşıyacaq. Bu, müharibə ilə sülh arasında, müharibə tərəfi ilə sülh tərəfi arasında, liberal faşizmlə ənənəvi dəyərlər arasında, Gürcüstanın qaranlıq keçmişi ilə ölkənin parlaq, Avropa gələcəyi arasında referendum olacaq. Biz əminik ki, gürcü xalqının dəstəyi ilə bir daha doqquzuncu dəfə Gürcüstanın parlaq, avropalı gələcəyi qalib gələcək, buna ancaq layiqli siyasət, sülhün qorunması və ölkə iqtisadiyyatının gücləndirilməsi ilə nail olmaq olar”. – İrakli Kobaxidze qeyd etdi.