Anaklia layihəsi ölkəmiz və konkret olaraq Sameqrelo bölgəsi üçün strateji əhəmiyyət kəsb edən layihədir – bu haqda Gürcüstanın baş naziri postuna namizəd İrakli Kobaxidze parlamentin plenar iclasında çıxışı zamanı deyib.

O, bu layihənin birinci mərhələsinin, plana əsasən, 2029-cu il üçün tamamlanacağını bildirib.

“Ümid edirik ki, bu layihə 2028-ci il üçün də başa çatmış olacaq, hərçənd 2029-cu il layihənin tamamlanması üçün maksimal müddətdir və artıq bu vaxt üçün ildə 600 min konteyneri qəbul edə biləcəyik və yalnız birinci mərhələ çərçivəsində 600 milyon dollar sərmayə qoyulacaq. Belçika şirkəti artıq infrastruktur işlərini həyata keçirir və bu işlər intensiv şəkildə davam edəcək” – İrakli Kobaxidze bildirib.

Baş nazirliyə namizədin qiymətləndirməsinə əsasən, bu layihə çoxlu sayda insanın işlə təmin olunmasına, iqtisadiyyatın və biznesin inkişafına töhfə verəcək və o strateji əhəmiyyət kəsb edən layihədir.

Həmçinin, İrakli Kobaxidze dəmir yolunun modernləşdirilməsi prosesinin tezliklə başa çatacağını qeyd edib.