İrakli Kirtsxalia parlament çoxluğunun iclasından sonra bildirib ki, bütün komanda adından Mamuka Mdinaradze-yə Təhlükəsizlik Xidmətinin rəhbəri vəzifəsində gördüyü böyük işə görə təşəkkür edir.

Onun sözlərinə görə, Mamuka Mdinaradze 8 ay əvvəl uzaqlaşdığı aktiv siyasi fəaliyyətə yenidən qayıdacaq.

“Eyni zamanda müxalifətin bu struktur dəyişiklikləri ilə bağlı yaratdığı ajiotaja da münasibət bildirmək istəyirəm. Bir daha bizim komandanın mövqeyini aydın ifadə edirəm ki, çox vacibdir və hamımız məmnunuq ki, cənab Mamuka yenidən 8 ay əvvəl ayrıldığı aktiv siyasi fəaliyyətə qayıdır. Bütün komanda adından onun Təhlükəsizlik Xidmətinin rəhbəri kimi gördüyü kolossal işə görə təşəkkür edirəm. Əminliklə deyə bilərəm ki, o, bu xidməti keyfiyyətcə yüksək səviyyəyə qaldırdı”, – deyə Kirtsxalia bildirib.