İrakli Ğaribaşvilinin məhkəməyəqədərki iclası oktyabrın 19-da keçiriləcək

Gürcüstanın sabiq baş naziri İrakli Ğaribaşvilinin məhkəməyəqədərki iclası oktyabrın 19-da saat 11:00-da keçiriləcək.

Bu haqda Tbilisi Şəhər Məhkəməsinin hakimi Pikria Sikturaşvili qərar qəbul edib.

İrakli Ğaribaşvilinin başqa bir işlə bağlı artıq həbsdə olması səbəbindən bugünkü prosesdə yalnız məhkəməyəqədərki iclasın tarixi müəyyənləşdirilib.

Avqustun 24-də prokurorluq İrakli Ğaribaşviliyə xüsusilə külli miqdarda rüşvət alma faktı üzrə yeni ittiham irəli sürüb.