İrakli Ğaribaşvili Quturi adına ictimai məktəbdə olub

Gürcüstanın Baş naziri İrakli Ğaribaşvili Çoxatauri bələdiyyəsinin Quturi kəndində olub, burada Quturidə yeni tikilən məktəblə tanış olub.

Təhsil və elm naziri Mixeil Çxenkeli və regional inkişaf və infrastruktur naziri İrakli Karseladze görülən işlər barədə hökumət başçısına məlumat veriblər. Məktəb 150 şagird üçün nəzərdə tutulub və hazırda 92 şagird təhsil alır.

Binada 12 sinif otağı, kabinetlər, tibb otağı, kitabxana, tədris otağı, kompyuter otağı, lift var. Bina fiziki məhdudiyyətli insanların ehtiyaclarına tam uyğunlaşdırılıb.

Məktəb yeni məktəb ləvazimatları ilə təchiz olunub, həyəti tam təchiz olunub, burada açıq idman meydançası var. Tikinti Bələdiyyə İnkişaf Fondu tərəfindən həyata keçirilib və tikintiyə dövlət büdcəsindən 2 milyon 345 min lari xərclənib.

Məlumatı baş nazirin mətbuat xidməti yayıb.