İrakli Ğaribaşvili buğda və arpa ixracının müvəqqəti qadağan edilməsi haqqında sərəncam imzalayıb

17:19, 28.06.2022

Gürcüstanın baş naziri İrakli Ğaribaşvili buğda və arpa ixracının qadağan edilməsi haqqında sərəncam imzalayıb.

Hökumətin sərəncamında da qeyd olunduğu üzrə, qərar dünyada yaranmış ərzaq təhlükəsizliyi problemindən dolayı verilib.

” Dünyada Rusiya-Ukrayna müharibəsi ilə əlaqədar yaranmış ərzaq təhlükəsizliyi problemlərindən irəli gələrək, 2023-cü ilin iyulun 1-dək Gürcüstandan buğda və arpa ixracı qadağan edilsin. Sərəncam imzalandığı andan qüvvəyə minir və 2022-ci ilin iyulun 4-dən yaranacaq münasibətlərə şamil edilir”- deyə hökumətin sərəncamında deyilir.

Müəllif - Sevinj Mustafaeva

Siyasət