İraq Kürdüstanının regional hökumətinin baş naziri İranın pilotsuz uçuş aparatlarının Pirmam rayonunda yerləşən ofisinə hücum etdiklərini bildirir

İraq Kürdüstanının regional hökumətinin baş naziri Masrur Bərzani İran dronlarının Ərbil əyalətində Pirmam rayonunda yerləşən ofisinə hücum etdiyini bildirib. O, bu barədə sosial şəbəkədə yazıb.

Bərzani bu hücumu təhlükəli eskalasiya və regionun təhlükəsizliyi ilə sabitliyinə birbaşa təhdid kimi qiymətləndirib.

O, hücumun İran tərəfindən “ehtiyatsız” və “qəbuledilməz” əməl olduğunu deyib.

“Kürdüstanın Anti-Terror Bölməsinin keçirdiyi istintaq nəticəsində bu gün səhər İran dronları tərəfindən mənim şəxsi kabinetimə, Təhlükəsizlik və Kəşfiyyat Agentliyinin rəhbərinin evinə hücumlar həyata keçirilib. Mən bu ehtiyatsız və qəbuledilməz hücumları kəskin şəkildə pisləyirəm. Bu, təhlükəli eskalasiya və Kürdüstan regionunun təhlükəsizliyi ilə sabitliyinə birbaşa təhdiddir. Bu hücumlar vəzifələrimizi yerinə yetirməyimizə və vətəndaşlarımızı qorumağımıza maneə olmayacaq” – Bərzani sosial şəbəkədə yazıb.

Media, hücum nəticəsində tələfat olmadığına dair məlumat verir.

Bununla yanaşı, “Reuters”in yazdığı kimi, İran və onun dəstəklədiyi silahlı qruplaşmalar İraqın yarımuxtar Kürdüstan regionunu İran Kürdüstanı müxalifətinə dəstək verməkdə dəfələrlə ittiham ediblər, Tehran bunu öz təhlükəsizliyi üçün təhdid hesab edir. İraq Kürdüstanı hakimiyyəti bu ittihamları rədd edir.