Almaniyanın xarici işlər naziri İohan Vadepul Ukraynanın “ağrılı güzəşt”ə getməyə məcbur ola biləcəyini bildirir. Almaniyanın Xarici İşlər Nazirliyinin rəhbəri bu haqda alman mediasına müsahibəsində deyib.

“Bu, Ukrayna üçün referendumla başa çata biləcək çox çətin prosesdir” – Vadepul bildirib.

Onun sözlərinə əsasən, bu referendumda Ukrayna vətəndaşları qərar verməli olacaqlar atəşkəs şərtlərini qəbul edə bilərlərmi, yoxsa yox.

“Diplomatiyanın vəzifəsi münaqişə tərəflərinin dəstəkləyə biləcəyi kompromislər işləyib hazırlamaqdır. Nəticədə, bu, daim ağrılı güzəştlərlə bağlı olacaq” – Vadepul qeyd edib.

Almaniyanın xarici işlər naziri, beynəlxalq diplomatik səy sayəsində sülh müqaviləsi şanslarının indi heç vaxt olmadığı qədər böyük olduğunu bildirib.

“Ukraynanın yeni rus təcavüzü qarşısında müdafiəsiz qalmayacağına dair qarantiyalar alması vacib ilkin şərt olacaq” – alman nazir qeyd edib.