İohan Vadefuli – Rusiyanın Ukraynaya qarşı apardığı müharibə Avropa üçün ən böyük təhlükə olaraq qalır

13:19, 29.06.2025

Almaniyanın xarici işlər naziri İohan Vadefuli bildirib ki, Rusiyanın Ukraynaya qarşı apardığı müharibə Avropa üçün ən böyük təhlükədir və olaraq da qalır. Onun sözlərinə görə, Almaniya üçün Rusiyanın nə qədər böyük təhlükə təşkil etdiyini insanlar hələ tam dərk etməyiblər.

“Rusiya həmçinin Almaniyada sülh içindəki həyatımıza və azadlığımıza birbaşa təhlükə yaradır,” – deyə Vadefuli qeyd edib.

Bundan əvvəl Spiegel-ə verdiyi müsahibədə nazir qeyd edib ki, Qərbin Rusiya üzərində təzyiqi nə qədər güclü olsa, Putinin real danışıqlara razılaşma ehtimalı bir o qədər yüksək olacaq. Onun sözlərinə görə, Ukraynaya hərbi yardım “almanların azadlığı üçün zəruridir.”

Müəllif - Emil Aliyev

Dünya