Hörmüz boğazının bağlanması səbəbindən Avropada təbii qazın qiyməti 130%-ə qədər arta bilər, – bu barədə məlumatı investisiya şirkəti Goldman Sachs yayıb.

Şirkətin analitiklərinin proqnozuna görə, əgər Hörmüz boğazı vasitəsilə daşımalar ən azı bir ay dayandırılarsa, Avropada təbii qazın qiymətləri iki dəfə arta bilər.

Onların bildirdiyinə görə, qlobal maye təbii qaz ixracının təxminən beşdə biri, əsasən Qətərdən, bu strateji daşımalar marşrutu ilə həyata keçirilir.

Analitiklər qeyd edirlər ki, mövcud hadisələrin fonunda ABŞ təbii qaz bazarına təsir, ehtimal ki, minimal olacaq.

Məlumat üçün: Hörmüz boğazı Yaxın Şərqin maye təbii qaz və neft daşımalarının əsas istiqamətidir. İran Hörmüz boğazını 28 fevral tarixində bağlayıb.