İmereti Polisi külli miqdarda narkotik vasitənin qanunsuz əldə edilməsi, saxlanılması, satışı və döyüş sursatının qanunazidd şəkildə əldə edilməsi, saxlanılması ittihamı ilə bir nəfəri saxlayıb

Gürcüstanın Daxili İşlər Nazirliyinin İmereti Polis Departamentinin əməkdaşları külli miqdarda narkotik vasitənin qanunsuz əldə edilməsi, saxlanılması, satışı və döyüş sursatının qanunazidd şəkildə əldə edilməsi, saxlanılması ittihamı ilə 1992-ci il təvəllüdlü C.D.-ni saxlayıblar.

Daxili İşlər Nazirliyinin məlumatına əsasən, hüquq-mühafizə orqanlarının əməkdaşları tərəfindən hakimin qərarı əsasında intensiv şəkildə aparılan istintaq hərəkətləri nəticəsində, o cümlədən gizli audio-video yazılarının aparılması ilə C.D.-nin “Metadon” narkotik vasitəsini satdığı müəyyən edilib.

“Polis C.D. tərəfindən qanunsuz satılan narkotik vasitəni maddi sübut olaraq götürüb, həmçinin yaşayış evində axtarış nəticəsində patronlar götürülüb.

İstintaq Cinayət Məcəlləsinin 260, 260-3-cü və 236-cı maddələri ilə aparılır, bu isə 20 ilə qədər və ya ömürlük azadlıqdan məhrum etməni nəzərdə tutur” – DİN-in məlumatında qeyd olunub.