İmereti bölgəsində güclü yağıntılar problemlər yaradıb, infrastruktur zədələnib, yollar, kənd təsərrüfatı sahələri və yaşayış evlərinin həyətləri su altında qalıb. Hazırda təmizlik işləri aparılır

24–25 may tarixlərində güclü yağışlar İmereti bölgəsinin səkkiz bələdiyyəsində müxtəlif problemlər yaradıb.

Sel nəticəsində infrastruktur zədələnib, yollar, kənd təsərrüfatı sahələri və yaşayış evlərinin həyətləri su altında qalıb. Eyni zamanda sahil qoruyucu bəndlər, kənd körpüləri zədələnib və daxili kənd çınqıl yolları yuyulub.

Hazırda bələdiyyələrdə ağır texnikanın köməyi ilə körpü və keçidlərin təmizlənməsi, kanalların dərinləşdirilməsi və digər işlər aparılır, lakin hava şəraiti səbəbindən genişmiqyaslı tədbirlər həyata keçirmək mümkün olmur.

Bələdiyyə xidmətləri hava şəraiti yaxşılaşan kimi daha intensiv bərpa işlərinə başlayacaqlar.