İlon Mask – Amerikanın silah proqramları tamamilə yenidən nəzərdən keçirilməyə ehtiyac duyur, əgər təcili dəyişikliklər edilməsə, ABŞ növbəti müharibədə olduqca ağır şəkildə məğlub olacaq

 
Amerikanın silah proqramları tamamilə yenidən nəzərdən keçirilməyə ehtiyac duyur – bu haqda ABŞ Hökumətinin Səmərəliliyi Departamentinin rəhbəri İlon Mask sosial mediada yazır.

O bildirib ki, bu istiqamətdə köklü dəyişikliklər edilməsə, növbəti müharibədə Amerika ağır məğlubiyyətə düçar olacaq.

“Mövcud strategiya dünənin müharibəsini aparmaq üçün yüksək qiymətə az sayda silah istehsal etməyi nəzərdə tutur. Əgər dərhal dəyişikliklər edilməsə, Amerika növbəti müharibədə olduqca ağır şəkildə məğlub olacaq” – Mask yazır.

Bununla yanaşı, Mask büdcə ofisinin hesabatı haqqında məlumat paylaşır, məlumata əsasən, Hərbi Dəniz donanması 364 gəmi almaq üçün növbəti 30 il ərzində hər il 40 milyard dollar xərcləməyi planlaşdırır.