Azərbaycan Prezidenti İlham Əliyev bildirib ki, İran tərəfi yaxşı bilir, bu gün müstəqil Azərbaycan dövləti İranda yaşayan bir çox azərbaycanlı üçün ümid mənbəyidir.

Əliyevin sözlərinə görə, İran tərəfi dəfələrlə məlumatlandırılıb, xüsusilə keçən il baş verən qarşıdurmalardan sonra, ki, Azərbaycan ərazisi heç bir qonşu dövlətə qarşı istifadə edilməyəcək.

“Biz buna imkan verməyəcəyik, eləcə də əvvəllər heç vaxt buna yol verməmişik. Həqiqət isə budur ki, keçən ilin yayında və sonrakı dövrdə İrandan bizim əleyhimizə əsassız ittihamlar səsləndirildi. İran dövlət strukturları tərəfindən idarə olunan media vasitələri Azərbaycan əleyhinə qərəzli, böhtan kampaniyası aparırdılar ki, Azərbaycana mənfi imic qazandırsınlar və İranda yaşayan həmvətənlərimizin fikrini dəyişsinlər, çünki onlar yaxşı bilirlər ki, bu gün müstəqil Azərbaycan dövləti İranda yaşayan çoxlu azərbaycanlı üçün ümid mənbəyidir,” – deyə İlham Əliyev bildirib.