Bugünkü Ermənistan ərazisində mövcud toponimlərin mütləq əksəriyyətinin Azərbaycan mənşəli olduğunu görməyimiz üçün XX əsrin əvvəllərində Çar Rusiyası tərəfindən dərc edilmiş xəritələrə baxmağımız kifayətdir – bu haqda Azərbaycan Prezidenti İlham Əliyev Azərbaycan Milli Elmlər Akademiyasının 80 illik yubileyinə həsr olunmuş görüşdə deyib.

Azərbaycan Prezidenti qeyd edib ki, bu xəritələrdə Sevan gölü göstərilməyib.

“Bu xəritələrdə Göyçə gölü və bütün digər bizim istifadə etdiyimiz tarixi toponimlərimiz öz əksini tapıb. Bu xəritələri biz tərtib etməmişik ki, kimsə desin biz burada saxtakarlıq eləyirik. Bunu Çar Rusiyası edib. Həmin o Çar Rusiyası ki, burada etnik və dini tərkibin dəyişməsi üçün vaxtilə İrandan və Şərqi Anadoludan erməniləri gətirərək bizim Qarabağ torpağında yerləşdirib. Başqa sözlərlə desək, bu xəritələr tamamilə tarixi həqiqətə əsaslanıb. Bu səbəbdən dəstəkləməli və tədqiq etməliyik” – İlham Əliyev qeyd edib.

Azərbaycan Prezidentinin bəyanatına əsasən, Azərbaycan əhalisi sərhədlərdən o tayda bütün istiqamətlərdə yaşayır və həmçinin Ermənistanda yaşayıb, lakin oradan qovublar. Əliyevin izahatına əsasən, Azərbaycan əhalisinin Ermənistan ərazisində yenə də yaşayacağına əmindir.

“Bu gün bütün qonşu ölkələrlə sərhədlərimizin o tayında görürük ki, Azərbaycan əhalisi öz əzəli tarixi torpaqlarında yaşayır və yaşadıqları ölkələrdə ləyaqətli vətəndaşlar kimi yaşayırlar. Azərbaycanlılar heç vaxt separatizm xəstəliyinə düçar olmayıblar. Xalqımız yaşadığı ölkələrin dövlətçiliyinə töhfə verib və bu gün azərbaycanlılar heç bir ölkədə heç bir dövlət üçün və ya heç bir başqa xalq üçün problem yaratmır və yaratmayacaqlar. Bu səbəbdən azərbaycanlıların bugünkü Ermənistana qayıdışı Ermənistan xalqını və dövlətini qorxutmamalıdır. Mən bunu uzun müddətdir deyirəm. Tarixi torpaqlarımıza tanklarla deyil, avtomobillərlə qayıtmalıyıq” – İlham Əliyev bildirib.