“Biz hər an müharibəyə hazır olmalıyıq, çünki dünyadakı proseslərin gedişi elədir ki, sabah nə baş verəcəyini proqnozlaşdırmaq mümkün deyil” – bunu Azərbaycanın Prezidenti İlham Əliyev Kəlbəcər şəhərində əhali ilə görüşü zamanı bəyan edib.

Əliyev Azərbaycanın müdafiə qabiliyyətinin gücləndirilməsinin vacibliyindən danışıb.

“Biz müharibə istəmirik. Biz sülh istəyirik. Amma bu qanlı tarix heç vaxt yaddaşımızdan silinməməlidir, şirin sözlərlə idarə olunmamalıyıq, ayıq-sayıq olmalıyıq. Təbii ki, bizim Silahlı Qüvvələrimiz hər dəqiqə, hər gün dövlətimizin maraqlarının və təhlükəsizliyinin keşiyində dayanır. Biz müşahidə edirik, görürük və mümkün təhlükə mənbələrini aşkarlayacağıq. Biz hərbi gücümüzü gücləndiririk. Qarabağın ikinci müharibəsindən sonra qüvvələrimizin inkişafı ilə bağlı xüsusi təyinatlılarımızın sayını minlərlə döyüşçü ilə artırmışıq – dəqiq rəqəmi demək istəmirəm, amma çox artırmışıq. Ölkəmizə ən müasir pilotsuz uçuş aparatları, yeni artilleriya sistemləri gətirilir. Yeni döyüş təyyarələrinin alınması üçün müqavilələr imzalanıb, mövcud olanlar isə tam modernləşdirilib.

Biz hər an müharibəyə hazır olmalıyıq, çünki dünyadakı proseslərin gedişi elədir ki, sabah nə baş verəcəyini proqnozlaşdırmaq mümkün deyil. Bizim təhlükəsizliyimizin təminatçısı biz özümüzük – bizim dövlətimiz, xalqımız və Silahlı Qüvvələrimiz. Ona görə də kimin isə xəstə beyninə Azərbaycanın əleyhinə hər hansı təxribat törətmək fikri gələrsə, düşünürəm ki, o, yenə də buna peşman olacaq. Biz isə bundan sonra qalib xalq və qalib dövlət kimi yaşayacağıq”, – deyə İlham Əliyev bildirib.