İlham Əliyev bildirib ki, mövcud geosiyasi şəraitdə “Orta Dəhliz”in əhəmiyyəti artır. O qeyd edib ki, “Zəngəzur dəhlizi” Asiya ilə Avropanı birləşdirən regional nəqliyyat əlaqələrini daha da gücləndirəcək.

Azərbaycan prezidentinin sözlərinə görə, bu, nəqliyyat, enerji və rəqəmsal şəbəkələrin genişlənməsinə töhfə verəcək.

İlham Əliyev həmçinin bildirib ki, Azərbaycan enerji təhlükəsizliyinin təmin edilməsində mühüm rolunu davam etdirir və bu, müxtəlif regionlarda sabit və şaxələndirilmiş enerji təchizatına imkan yaradır.

Onun sözlərinə görə, münaqişənin başa çatması Azərbaycanın beynəlxalq əməkdaşlığını genişləndirmək üçün yeni imkanlar yaradıb. O qeyd edib ki, Azərbaycanın Türk Dövlətləri Təşkilatına və Asiyada Qarşılıqlı Fəaliyyət və Etimad Tədbirləri üzrə Müşavirəyə sədrlik etməsi, D-8 İqtisadi Əməkdaşlıq Təşkilatına üzvlüyü, Mərkəzi Asiya dövlət başçılarının məşvərət görüşlərinə ev sahibliyi və COP29-un uğurlu təşkili Azərbaycanın xarici siyasətinə artan beynəlxalq etimadı göstərir.