Azərbaycan Prezidenti İlham Əliyev Azərbaycanla Fransa arasında anlaşılmazlığın keçmişdə qaldığını bildirir.

Əliyev bu haqda Fransanın Azərbaycan Respublikasındakı yeni səfiri Sofi Laqutun etimadnaməsini qəbul edərkən bildirib.

Azərbaycanın lideri çıxışında Fransa Prezidenti ilə Kopenhagendə keçirilən görüşü yada salıb və qeyd edib ki, bu danışıqlar nəticəsində Azərbaycan və Fransa arasında anlaşılmazlığa səbəb olan məsələlər keçmişdə qalıb.

Əliyev iki ölkə arasında gündəlikdə yeni mərhələnin başlandığını vurğulayıb. İlham Əliyev iki ölkə arasında ilk növbədə şəxsi və həmçinin işgüzar əlaqələrin bərpası və inkişafının vacibliyindən, eləcə də mədəniyyət və humanitar sahələrdə əməkdaşlıqdan danışıb.

Görüşdə, həmçinin Azərbaycan ilə Fransanın enerji sahəsində uğurlu tərəfdaşlığı, xüsusilə Fransanın “Total” şirkəti ilə əməkdaşlıq vurğulanıb.