Zəngəzur dəhlizinin açılması Mərkəzi Asiyanın bütün ölkələrinə fayda gətirəcək – bu haqda Azərbaycan Prezidenti İlham Əliyev deyib.

Əliyev bildirib ki, Azərbaycanda yaradılan müasir nəqliyyat infrastrukturu, o cümlədən ticarət donanması, Ələt Beynəlxalq Ticarət Limanı, Bakı-Tbilisi-Qars dəmir yolu, eləcə də ölkənin doqquz beynəlxalq hava limanı Azərbaycanın qlobal nəqliyyat və logistika mərkəzi rolunu gücləndirir.

“2024-cü ildə Azərbaycan, Qazaxıstan və Özbəkistan enerji sistemlərinin inteqrasiyasına və bərpaolunan enerji mənbələrinin təşviqi məqsədinə xidmət edən bir sıra strateji razılaşmalar və memorandumlar imzalayıblar, bu da regionun dayanıqlı inkişafı və enerji əməkdaşlığının gücləndirilməsi üçün yeni perspektivlər açır” – İlham Əliyev bildirib.