Gürcüstan və Azərbaycanı yalnız ölkələrimiz üçün deyil, bütün dünya üçün əhəmiyyətli olan müxtəlif layihələr birləşdirir. Bunlar neft və qaz, nəqliyyat və kommunikasiya layihələridir. Bu, çox əhəmiyyətli layihələrdir və yalnız Cənubi Qafqazın deyil, Avrasiyanın nəqliyyat xəritəsini yaradır – bu barədə Azərbaycan Prezidenti İlham Əliyev Gürcüstan Prezidenti Mixeil Ğavelaşvili ilə birlikdə keçirilən mətbuat konfransında bildirib.

Əliyev bildirib ki, Gürcüstansız Avropanın enerji təhlükəsizliyindən danışmaq təsəvvür olunmazdır.

“Bu gün əgər biz Avropanın enerji təhlükəsizliyindən danışırıqsa, Gürcüstansız bu təsəvvür olunmazdır. Azərbaycan öz neftini və qazını Gürcüstan vasitəsilə 12 ölkəyə çatdırır. Bu, Gürcüstan ərazisindən keçməklə baş verir. Nəqliyyat kommunikasiyaları sahəsində bizim limanlar, yolların infrastruktur layihələrimiz var. Bizim layihələrimiz Orta Dəhlizin ayrılmaz parçasıdır. Bu gün Cənubi Qafqazda Orta Dəhlizdən danışırıqsa, bu, Azərbaycan və Gürcüstandan keçən dəhlizdir və ölkələrimizin ərazisindən keçən yüklərin həcmi artır” – İlham Əliyev qeyd edib.