İkinci mərhələdə aparılan qəbul nəticəsində 1 242 abituriyent ali və peşə təhsili müəssisələrində təhsil almaq hüququ qazanıb. Bu, iştirakçıların ümumi sayının 73 faizini təşkil edir

Qiymətləndirmə və İmtahanlar üzrə Milli Mərkəz ali və peşə təhsili müəssisələrinə qəbul üzrə sözdə ikinci qəbul mərhələsinin nəticələrini açıqlayıb.

Mərkəzin məlumatına görə, sözügedən ikinci qəbul mərhələsində iştirak etmək hüququ 4 010 abituriyentə verilib. Onlardan 1 715-i qeydiyyatdan keçib. Ali və peşə təhsili müəssisələrində təhsil almaq hüququnu 1 242 abituriyent qazanıb ki, bu da iştirakçıların ümumi sayının 73 faizini təşkil edir.

Bakalavriat pilləsində 818 abituriyent təhsil alacaq. Onlardan 312-si dövlət, 506-sı isə özəl ali təhsil müəssisələrinə qəbul olunub.

Peşə təhsil proqramlarında təhsillərini davam etdirmək hüququ 408 abituriyentə verilib. Onlardan 244-ü dövlət, 164-ü isə özəl peşə təhsili müəssisələrinə qəbul olunub.

Gürcü dili üzrə hazırlıq proqramında təhsil almaq hüququ 16 abituriyent qazanıb. Onların hamısı dövlət tərəfindən təsis edilmiş ali təhsil müəssisələrinə qəbul olunub.

Abituriyentlər öz nəticələri ilə Mərkəzin dərc etdiyi cədvəldə, imtahan vərəqəsində göstərilən doqquzrəqəmli identifikasiya kodu vasitəsilə tanış ola bilərlər.