Mənim mənəvi övladlarım, ölkədə son günlər ərzində inkişaf etmiş hadisələr aydın şəkildə göstərir ki, sülhün qayğısına qalınmasının hər birimizin öhdəliyinə çevrilməsi lazımdır. Böyük və ya kiçik hər bir insan özünü zorakılıqdan ayırmalı və çətin dövrmüzdə vəziyyətin kəskin şəkildə gərginləşdirilməsinin ölkənin əsas tapıntısı – dövlətçiliyi, suverenliyi üçün real təhlükə yaratdığını dərk etməli və bunu nəzərə alaraq öz addımlarını müəyyən etməlidir – bu haqda Gürcüstanın katolikos-patriarxı II İlianın Gürcüstan Patriarxlığının səhifəsində dərc olunmuş bəyanatında deyilir.

Patriarxın bəyanatına əsasən, “idarə olunmaz proseslərin qarşısını almaq məqsədi ilə konstruktiv yolla dialoqa nail olunması mühümdür”.

“Bu gün problemimiz həm də odur ki, biz tanrıdan necə uzaqlaşdığımızı və onun əmrlərinə zidd hərəkət etdiyimizi başa düşə bilmirik; Unuduruq ki, sevgisizlik, rişxənd, hörmətsizlik… çox təəssüf ki, cəmiyyətimizin bir hissəsi üçün vərdiş halına gəlib, destruktiv günahlardır; (nifrət nitqi və fiziki qisas bunun təzahürüdür). Qarşılıqlı nifrətlə, şərlə, qəzəblənməklə heç bir milli tapşırığı həll edə bilmərik və özümüzə, eləcə də dövlətə yalnız zərər verəcəyik. Xristianlığımız dosta sevginin bitdiyi yerdə bitir. Bütün həyatım boyu Gürcüstan üçün dua edirəm. Bu gün də mən hər zaman tanrıdan bizə hikmətli və mülayim bir qəlb nəsib etməsini diləyirəm. Hamımızı vətən sevgisi birləşdirir;
Ona görə də sizə müraciət edirəm: Gürcüstanın rifahı naminə dua ilə birləşək ki, tanrının lütfü və daxili rahatlıqla düzgün addımlar ata bilək.
Birgə dualar böyük gücə malikdir. Gürcüstanda və xaricdə fəaliyyət göstərən din xadimlərimizə icazə verilir, hər gün saat 13:00-da zəngi çalın və Məryəm Anaya yalvarış paraklisini yerinə yetirin, Gürcüstan və xaricdə olan möminlərdən xahiş edirəm, gün ərzində dua edin: “Atamız”, 90-cı məzmur, “Bizə mərhəmət qapısını aç”, “Sevin, Bakirə Məryəm” (3 dəfə), eləcə də Müqəddəs Həvari Andria, Müqəddəs Nino, Müqəddəs Qiorqi və Müqəddəs Nikolozun himnləri və sonda “Ya Rəbb, millətini qoru”. Gürcüstan Avropa sivilizasiyasının ayrılmaz hissəsidir və bizim çoxəsrlik xristian mənəvi-mədəni irsimizə, ənənəvi dəyərlərimizə əsaslanan Avropa tipli milli dövlətin möhkəmlənməsinə və inkişafına kömək etmək bizim borcumuzdur. Bu gün Gürcüstan kilsəsinin banisi Müqəddəs Andrianın anım günüdür. Həmçinin, Müqəddəs Çar Vaxtanq Qorqasali, I Petre və I Samoel katolikosların anım günüdür. Onların və Gürcüstanın digər himayədarları olan müqəddəslərin yardımı və Ən Müqəddəs Məryəm Ananın şəfaəti ilə tanrı ölkəmizin birliyini, əmin-amanlığını və rifahını nəsib etsin” – patriarxın bəyanatında deyilir.