Ümumi Gürcüstanın Katolikos-patriarxı II İlia Donald Trampı Amerika Birləşmiş Ştatlarının prezidenti seçilməsi münasibətilə təbrik edir.

Patriarxın təbrik məktubunda qeyd etdiyi kimi, Trampın ənənəvi dəyərləri qorumaq və yer üzündə sülh üçün səyini əsirgəməmək istəyi xüsusilə önəmlidir.

“Cənab Prezident, Amerika Birləşmiş Ştatlarının 47-ci prezidenti seçilməyiniz münasibətilə Sizi ürəkdən təbrik edirəm.

Bir tək Amerikada deyil, bütün dünyada insanların sizdən gözləntisi olduqca böyükdür. Düzdür, siz inauqurasiya nitqinizdə əsas diqqəti ölkənizin güclənməsinə yetirdiniz, lakin hamı ümid edir ki, qarşıya qoyulan məqsədlərin uğurla həyata keçirilməsi ümumilikdə yaxşı dəyişikliklər gətirəcək və bir sıra ciddi çağırışların öhdəsindən gələcək.

Xristian şüuruna əsaslanan ümumi bəşəriyyətin ənənəvi dəyərlərini qorumaq və yer üzündə sülh üçün səyinizi əsirgəməmək istəyiniz xüsusilə önəmlidir.

Bütün səlahiyyətlər Rəbbdən gəlir, lakin xidmətini tanrıya bağlayan hökmdar və xalq bəxtiyardır. “Rəbbə güvənən insan nə bəxtiyardır” (Məz. 39:5).

Tanrı sizi, ailənizi və administrasiyanızı qorusun. Tanrı Amerika və bütün dünyanı qorusun.

Dərin hörmətlə, ümumi Gürcüstanın Katolikos-patriarxı, Mtsxeta və Tbilisi arxiyepiskopu, Bichvinta və Tsxum-Abxaziya mitropoliti İkinci İlia” – patriarxın təbrik məktubunda deyilir.