İqtisadi Şuranın iclasında icrası iqtisadi artımı sürətləndirəcək tikinti-infrastruktur layihələri müzakirə olunub

Gürcüstanın baş naziri İrakli Ğaribaşvilinin sədrliyi ilə İqtisadi Şuranın növbəti işçi iclası keçirilib.

Baş nazirin mətbuat xidmətindən verilən məlumata görə, Şura üzvləri iqtisadi artımın sürətləndirilməsi istiqamətində yaxın gələcəkdə atılacaq addımlar, o cümlədən tikinti və infrastruktur layihələri, ixrac potensialı, turizm və sənaye-ərzaq ehtiyatlarını müzakirə ediblər.

“Bu il tikinti-infrastruktur layihələri hissəsində ölkəyə uzunmüddətli satınalmaların aparılmasına imkan verəcək əlavə həcmlərin müqavilələrinin bağlanmasına xüsusi diqqət yetirilib. Söhbətdə yaxın vaxtlarda açıqlanacaq konkret layihələrdən danışılıb.

İşçi görüşdə hökumət başçısı turizmin bərpası sahəsində vəziyyətlə bağlı məlumatı dinləyib. İqtisadiyyat naziri Levan Davitaşvilinin qeyd etdiyi kimi, hazırkı dinamika perspektivlidir, xüsusən də proqnoza əsasən, turizmin 2019-cu illə müqayisədə 70% bərpası davam edir.

Bildirilib ki, rayondakı vəziyyətə baxmayaraq, ölkənin sənaye və ərzaq məhsulları ilə təchizatında heç bir gecikmə yoxdur. Söhbət Gürcüstanda artan və daha da koordinasiya tələb edən logistika məsələləri, nəqliyyat axınları və yük axınlarına yönəldilib”, – baş nazirin mətbuat xidməti bildirib.