Şanslara çox müsbət baxıram, istəyirəm ki, bugünkü seçkilər elə başa çatsın ki, mən ikinci yerdə və ikinci turda olum – bu barədə “Qirçi” partiyasının Tbilisi merliyinə namizədi İaqo Xviçia deyib.

Xviçianın qeyd etdiyi kimi, parlament seçkilərindən fərqli olaraq yerli seçkilərin insanlar üçün daha az stressli olacağına dair gözləntisi var.

“Şanslara çox müsbət baxıram, istəyirəm ki, bugünkü seçkilər elə başa çatsın ki, mən ikinci yerdə və ikinci turda olum. Nə alınacaq, bilmirəm, lakin zənn edirəm, belə aydın şans heç vaxt olmamışdı ki, nəsə dəyişdirəsən, hətta növbəti seçkilər üçün dəyişikliklərin təməli qoyulsun. Müvafiq olaraq, tərəfdarlarımızın seçki məntəqələrinə səfərbər olmasını gözləyirəm.

Bu seçkilərin əvvəlki seçkilərlə müqayisədə insanlar üçün daha az stressli olacağına dair gözləntim var. Seçki keçirəndə bu, bir növ müharibə vəziyyətidir. Düşünürəm ki, builki vəziyyət insanları daha az qorxutmalıdır, bu isə bizim üçün müsbət nəticəyə gətirib çıxaracaq. Lakin, baxaq seçkilərin bitməsinə bir neçə saat qalıb və birlikdə bu gün ortaya hansı nəticənin qoyulacağını görək” – Xviçia bildirib.