İaqo Xviçia – anlaşılmazlığa son qoyuruq – “Girçi” adını dəyişir, azadlığın düşmənləri ilə bizi bağlayan keçmişin həmin hissəsindən mümkün qədər tez ayrılmaq istəyirik

“İstəyirəm sizi təbrik edim ki, çoxsaylı tərəfdarlarımızın məsləhətini nəzərə aldıq və bu anlaşılmazlığa son qoyuruq – “Girçi” adını dəyişir. Özümüzə həmişə olduğumuz adı veririk – “Azad İnsanlar Partiyası”, – deyə İaqo Xviçia bildirib.
Xviçianın sözlərinə görə, dəyişikliyin səbəbi azadlıqla assosiasiya olunan adın azadlığın düşmənləri tərəfindən mənimsənilməsidir.

“Biz köhnə adımızı çox bəyənirdik və öz keçmişimizdən də imtina etmirik. Lakin dəyişikliyin səbəbi odur ki, azadlıqla assosiasiya olunan adı, LGBT icmasının göy qurşağını mənimsədiyi kimi, azadlığın düşmənləri də mənimsəyiblər. Bu, siyasi mübarizədə sınaqdan keçirilmiş üsuldur. Düz yüz il əvvəl sosialistlər məhz belə “liberal” adını mənimsədilər və bu günə qədər də ondan yanlış məzmunla istifadə edirlər.

Biz siyasi həyatımızın bu fəslini başa çatdırmaq istəyirik. Keçmişin bizi azadlığın düşmənləri ilə bağlayan hissəsindən mümkün qədər tez və aydın şəkildə ayrılmaq istəyirik. Yəqin ki, bunu indiyə qədər də etməli idik. Rəqiblərimizə bizim adımızdan istifadə edərək parazitlik etmək imkanı verməməli idik, amma heç vaxt olmamaqdansa, gec olması daha yaxşıdır”, – deyə İaqo Xviçia partiyanın “Facebook” səhifəsində yayımlanan videoda bildirib.