Mərkəzi Kriminal Polis Departamentinin və Maliyyə Nazirliyinin Gəlirlər Xidmətinin Gömrük Departamentinin əməkdaşları xüsusilə külli miqdarda narkotik vasitənin qanunsuz şəkildə əldə edilməsi, saxlanması və Gürcüstana gətirilməsi ittihamı ilə Türkiyə Respublikasının vətəndaşı – 1958-ci il təvəllüdlü M.A.-nı saxlayıblar.

Cinayətlər 20 ilə qədər və ya ömürlük azadlıqdan məhrum etməni nəzərdə tutur.

Hüquq-mühafizə orqanlarının əməkdaşları ​​”Sarpi” buraxılış məntəqəsinin ərazisində, təqsirləndirilən M.A.-nın idarə etdiyi sərnişin avtobusunun baqajında xüsusi skaner vasitəsilə xüsusilə külli miqdarda — 150 qrama qədər narkotik vasitə “kokain”i aşkar ediblər.

İstintaq Gürcüstan Cinayət Məcəlləsinin 260 və 262-ci maddələri ilə aparılır.