Hüquq-mühafizə orqanları Tbilisi və regionlarda qanunsuz odlu silah və döyüş sursatı götürüb
Daxili İşlər Nazirliyinin Tbilisi, Kaxeti, İmereti, Abxaziya Muxtar Respublikası və Samtsxe-Cavaxeti polis departamentlərinin əməkdaşları müxtəlif vaxtlarda keçirilmiş polis profilaktik tədbirləri nəticəsində odlu silah və döyüş sursatının qanunsuz əldə edilməsi, saxlanması və daşınması, həmçinin döyüş sursatının qanunsuz satışı ittihamı ilə 5 nəfəri saxlayıblar.
Hüquq-mühafizə orqanlarının əməkdaşları təqsirləndirilən şəxslərin üzərində, avtomobillərində və yaşayış evlərində apardıqları axtarışlar, eləcə də gizli istintaq tədbirləri nəticəsində maddi sübut kimi müxtəlif növ odlu silah və döyüş sursatı, o cümlədən 4 tapança, 1 revolver, daraqlar və 265 patron götürüblər.
Faktla bağlı Cinayət Məcəlləsinin 236-cı maddəsinin 3-cü, 4-cü və 5-ci hissələri ilə istintaq aparılır. Bu maddə 9 ilədək azadlıqdan məhrumetmə cəzasını nəzərdə tutur.
Məlumatı Daxili İşlər Nazirliyinin mətbuat xidməti yayıb.