Gürcüstan hökumətinin qərarına əsasən, plastik butulkalarda içkilərin istehsalı, idxalı və bazara çıxarılmasının tənzimlənməsi dörd il müddətinə təxirə salınacaq.

Bu barədə Gürcüstanın baş naziri Irakli Kobakhidze hökumətin bu günkü iclasında bildirib.

“Bildiyiniz kimi, plastikdən istifadə həm insanların sağlamlığına, həm də ətraf mühitə ziyan vurur. Plastikdən istifadənin azaldılması istiqamətində artıq bir neçə vacib addım atılıb. Bu proses mərhələli şəkildə davam etdiriləcək. Eyni zamanda, bu proseslə bağlı yan faktorları nəzərə almalıyıq, o cümlədən biznes subyektlərinin maraqları və konkret tənzimləmələrin istehlak qiymətlərinə mümkün təsiri. Biznes sektor ilə aktiv məsləhətləşmələr aparmışıq. Bunun üçün Ətraf Mühitin Mühafizəsi və Kənd Təsərrüfatı Nazirinə təşəkkür edirəm. Məsləhətləşmələrdən sonra qərara gəldik ki, plastik butulkalarda içkilərin istehsalı, idxalı və bazara çıxarılması ilə bağlı tənzimləmənin tətbiqi dörd il müddətinə, yəni 2031-ci ilin fevralın 1-dək təxirə salınsın”, — deyə Irakli Kobakhidze bildirib.